我唔要游水水,救命呀!!!!!

 

見 Karl 仔d 皮膚睇極醫生都唔好 , 決定星期日帶佢游水 , 點知佢唔識遊水不得止仲怕水 ,

同佢拉扯一番都不得要領 , 最後多得金毛主人出手相助佢先免強遊一陣 ,

點解一隻沙灘出世的狗會怕水 , 人地咕嚕咕嚕沖浪 , Karl仔怕曬怕熱怕水 ,

同一生長環境出世 , 定我太縱佢呢 ? 可能我都係怪獸家長  = _ = " 唉..........

 

搵哥哥記

 

                                                      咕嚕咕嚕 : 今日邊個入來搵我

 

 

Karl : 哥哥 ~ ~  哥哥 ~ ~  我呀 !  Karl 仔呀 !

 

 咕嚕咕嚕 : 呢個發育不良又換毛的核突仔 , 邊個來的 ~ ~咪過來

 

 Karl : 吓 !!! 咕嚕咕嚕 你唔認得我係邊個

 



 

 咕嚕咕嚕 : 邊個識你呀 ! 死靚仔行開

 

 咕嚕咕嚕 : EE妳做咩帶隻醜樣仔來嚇我

 

 

咕嚕咕嚕 : 唔好煩我 , 我唔識你

 

Karl : 哥哥唔好啦 ! 彩下我 ~ ~ ~ ~

 

咕嚕咕嚕 : 小朋友我真係唔識你

 

Karl : 我太傷心啦 ! 幾個月無見你一d都唔認得我

 

Karl : 雖然我細粒好多 , 但係我地係親兄弟 , 你望下我 !

 

 

媽媽 : 咕嚕咕嚕真係唔認得Karl 仔,全程吠爆佢 , karl 好傷心到走

 

 

 

我大個仔了 ~~~~~~~~~~

 

各位EE我係唔係大個仔好多呢!!!

 

我現在有31磅,醫生話我之前係得2個月大,

 

唔係義工EE講三個幾月大,現在我先得4個幾月

 

(媽媽好擔心遲D抱我唔起),

 

醫生話我大定起碼有50磅,

 

但係我越來越百厭,

 

自己一隻係梳化都會自己向前向後打筋斗,

 

咬野習慣巳經有D改善了,

 

但係出街便便就......

 

唉希望我遲D會好dd................

 

 

 

 

小鱷魚有片為證

 

大家聽下佢食野個口真係"鴨鴨"聲架,

 

好難唔似鱷魚,我現在什麼傢俱都不敢換新,

 

要等佢變咗大灣鱷先換 ,

 

未養過中型狗真係要重新學習 ,

 

同之前 Tong Tong & Be Be 好唔同太有活力又

 

或者我年紀大了跟唔到佢的步伐 .

                      

                         

                                                  

大家要重新認識我啦~~我係鱷魚Karl))

我平日除咗嗲嗲外,就係破壞力驚人,

 

屋企所有物件,無一幸免~~~全部爛晒

不甘後狗

 

 

小 Karl Karl見 " 咕嚕咕嚕" 咬爛黃太家人四對波鞋,

 

佢都唔示弱,完全咬爛我張梳化,呢度係其中一角,

 

張梳化俾佢咬爛十分之三了,

 

我張梳化好可憐呀!!!

Karl Karl : 我係唔係好犀利呢!!有冇EE家中想換新傢俬無藉口呢,搵我一定幫到你....

 

懷念媽媽的味道

                               

Karl仔平時食餅餅超快,不過食牛奶餅餅就唔同啦!

 

慢慢食真d味道,可能重掛住媽媽d味道

                      

大家好我叫傻Karl

我係Karl Karl ,我除咗大食同喜歡咬家具之外,

 

其實我係一隻好乖乖的狗狗,(我巳成功咬爛廚房門同梳化,

 

連後面電制我都想咬,可惜媽媽用鐵絲網封住

 

我點樣同媽媽相識呢...............當日媽媽去小島上睇狗狗,

 

我主動又熱情,令媽媽印象深刻,

 

當時佢都考慮咗幾日, 

 

因為佢怕再受唔起分開的痛苦,

 

最後義工ee話漁護處星期三會通宵捕捉d狗狗,

以我的傻勁好快就會被人捉咗,

 最終媽媽先決定養我.

 

 

 

我好鍾意嗲人最好24小時都抱住我...可能之前在義工的愛護下,

 

我對人類充滿好感

 

 

 

不過我精力充沛,我只可以扮乖五分鐘就原形畢露

 

 

 

我好叻架要大小便我一定通知媽媽落街街,

 

只不過我都有死穴,由於市區太多車車我好驚,

 

每次街大小便完後,都以時速九秒九衝返屋企,

 

真係冇鬼用,所以每次一戴狗帶,我就有以下呢個動作,

 

媽媽俾我激到唔知好嬲定好笑

 

 

 

 

 

 

 

 

 

 

係時候開始重新開始~~

 

好耐無POST , 唔知重有冇人睇 ,

 

自從Tong Tong 走咗之後 ,

 

一路心情低落 ,

 

到現在巳經可以面對了,

 

亦開始考慮重新再養狗,

 

見豆點亞娘話

索罟灣好多流浪狗 ,

 

決定去碰碰運氣去睇下有冇有緣小狗,

 

希望好快有新的開始