Tong Tong: 2010

2010年12月29日星期三

平衡進步

今早同Tong Tong覆診,醫生話佢幾好,

每次都有進步,

只要唔好再嘔及要食多d嘢,

巳經識反抗啦!遲d可以不用見佢,

實在太好啦!

多謝咁多位blog友支持

2010年12月24日星期五

險些失去

2星期前開ot返到屋企巳經10:00p.m.Tong Tong一樣如常咁興奮歡迎我,

但係我係狗床發現有少少血漬,即刻同佢檢查身體發現唔到有傷口就不以為然,

如平常放狗,跟住餵佢食糧同藥當時都冇事發生,就安置佢上床瞓覺,

咁到我自己食飯,當我洗完碗出來(巳經11:30p.m.)入房睇一睇佢嚇到我唔識反應,

當時見到張床單同佢個口有一灘血,即刻檢查佢個口,但係佢相當唔合作,

即刻叫家人同我一齊帶佢睇急症,去到診所醫生話佢可能下午自己撞裂咗隻牙,

所以流好多血,打咗2支針回家1個多小時後.

Tong Tong 開始嘔血痾血,即時返回24小時診所,

醫生堅持係牙縫流血唔係內出血要做除牙手術,如果唔係會流血致死,

我問醫生可否先幫佢止血,但醫生話止唔到血要做咗手術先可以止,

一路叫我同佢驗呢個驗個果,我心都慌晒佢講咩我都話好,

又話要吊幾個鐘頭鹽水先可以做手術,因為TongTong有肝硬化,

就係咁由1:30p.m.流血到8:30a.m.到第2個醫生返來又話唔可以做手術住要等11:00a.m.

另一位姑娘返來先可以做手術,我就同醫生講咁流血會死,

佢都話冇辦法又話Tong心臟同肝都唔好為安全計又要吊多幾個鐘頭鹽水先可以做,

當時家人同我講都早上不如轉返自己醫生睇,到我哋話要轉診所,

呢間24小時診所突然又話可以止到血,就係咁俾間24小時診所醫Tong Tong醫到半生死.

如果當時俾佢哋開刀Tong Tong應該唔係度.

(因為梁醫生話佢肝硬化及心臟唔好一落痲醉藥有8成機會唔醒.)

到睇開醫生個度梁醫生放假唯有睇另外2位醫生,

2位醫生一齊會診都話佢係癌擴散到其他地方另佢內出血,

照咗x-ray話又話佢心肝腸全部發大有肺漬水又發高燒,

有嚴重內出血又話之前醫生咩都冇做過另佢嚴重貧血,

又叫驗呢樣驗果樣,巳經冇咩血仲驗佢話唔驗佢做唔到嘢,

最終都係叫我放棄Tong Tong,

我唔願意因為佢除咗指數差個樣仲係好精神接觸佢身體冇痛表現,

因為第2日梁醫生係大陸返來,我想聽佢意見,醫生都冇反對但佢話俾佢走啦!冇得救,

到第2日終於見到梁醫生,佢睇法同之前方舟2位醫生及陳醫生完全唔同,

佢覺得佢係撞傷另佢內出血並唔係果d醫生咁講冇得救及牙流血,

雖然醫治時病情反覆時好時壞,陳醫生一路潑冷水話冇得醫同佢打針啦,

Tong Tong好硬正一d都冇衰俾佢睇,經佢咁多日醫治Tong Tong終於可以出院,

雖然身體狀況大不如前,我巳心滿意足,要珍惜每一日,

由曾經險些失去到現在.......有一日過一日.

2010年10月22日星期五

2010年10月7日星期四

Tong Tong 驗血報告出咗啦!

Tong Tong驗血報告比之前差咗!

眼白內障(眼壓暫時正常)冇得好只要睇佢眼球有冇突出如冇就冇問題,

有要即刻見醫生驚變青光眼.

ALKP 肝功能指數對比上次由241升到509(正常23-212)即係肝壞死多咗.

ALT 肝酵素上次754今次715(正常10-100).

最重要係WBC白血球3.93(正常5.5-16.9)及PLT血小板154(正常175-500)下跌.

醫生解釋可能Tong Tong有機會轉肝癌,

佢希望我帶Tong Tong去照超聲波(現在睇開個間冇得照超聲波),

當時我有問過佢如果肝癌有冇辦法醫佢答"沒有",咁我再問如果真係有癌,

現在用藥物有否改變佢都係答"沒有"改變,我再問照來有咩作用佢答我"得個知字",

可能早d俾個心理準備我,

我曾經同佢講上次照果間診所嚇到Tong Tong三日冇食嘢仲成日喊到"鵝鵝聲",

唔會再俾佢照啦!我唔想再嚇到佢加上宜家睇唔到嘢可能仲驚,

醫生叫我再諗下先.....................

2010年9月14日星期二

多謝各位關心

近掛因公司人事問題加上家人身現嚴重毛病,

所以好耐冇上blog,

Tong Tong 近呢幾個月巳經有八成睇唔到又聽唔到,

每日只係去街食飯同瞓覺,

感覺過得一日得一日,

我心情真係好沉重,

同佢講嘢冇反應,

但身體望落仲好硬"淨",

但有時唔知佢諗咩,好想同佢多D嘢,

但真係冇辦法做到啦!

我都唔係好識表達......

2010年7月19日星期一

漁護處公然虐狗致吐血

事發地點：天水圍銀座廣場，兩隻唐狗年多都一直是露天茶餐廳給予食物，

和一眾食客感情要好。

時間：2010年7月18日晚上9時多。

現場所見,狗隻全無反抗。眾人要求漁護處人員放開狗集，

漁護處人員還故意將頸圈索得更緊及拖行十尺留下一條血痕，

狗隻不停吐血！

眾人要求先將狗隻給獸醫診治但不被理會。有市民報警求助。

警察到場第一時間不是找報案人而是先和遠處漁農處其他人員打招呼，

然後才一起過來現場。最後拉散人群。現場數十人沒有人被要求做證人。

最後兩架AM車絕塵已去，並沒有留給報案人任何報案號碼及資料。

冷血金句: 鄺生春："流血係正常嘅,無問題！"

囂張金句: 鄺生春："我地喺AM車，同警察一樣，

你地鍾意可以抄底車牌"

有網友提供以下兩個facebook連結，大家幫忙關注一下：

請正視漁護處合法虐狗!!!(請幫忙傳開這社團)

http://www.facebook.com/group.php?gid...

聲討漁護處職員鄺生春天水圍虐狗

http://www.facebook.com/group.php?gid...

點解唐狗要生活得咁辛苦

(睇完片個心好唔舒服)

2010年6月10日星期四

2010年5月27日星期四

Tong Tong跌到

今日入屋聽唔到Tong Tong吠巳覺奇怪,

入到屋見佢頭抬唔起及尾下垂成隻曲起身知道大件事,

即刻帶佢睇醫生,話佢可能自己跌到,

又唔可以俾太多藥佢食,

只係俾咗1/4粒止痛藥佢食跟本止唔到痛,

俾藥又怕佢個肝頂唔到,要等佢自己慢慢好番,

唔知幾時可以自己好番

好心都痛.

2010年5月22日星期六

始終都係狗最好

呢幾日因感冒獨自在家,

行出廳特然有一隻飛蟑螂飛入屋,

當時我驚慌失措,

即刻叫家中2隻貓大帝捉蟑螂,

2隻大帝居然當冇事發生,

望一望唔理會我救求繼續瞓"教",

當我唔知點好時,

Tong Tong即刻跳高跳低追殺

飛蟑螂(我幾驚佢整到),

當蟑螂伏地時Tong Tong用佢背部壓死佢

,我掃完後消毒地方,

跟住同Tong Tong沖涼,

好彩有TongTong果2隻衰嘢都唔知係唔係貓,

一隻老狗都勁過佢哋.

此終都係狗忠心好多Tong Tong媽咪鍚晒妳

2010年5月11日星期二

咁老先嚟曳

我以前睇其他Blog友見佢哋d狗狗咬爛梳化,當時諗點解隻狗咁曳,賀幸我d狗冇咁曳,

點知今日我收工返屋企見到張新梳化俾Tong Tong咬咗個大窿(2個5蚊咁大),

鬧佢佢居然冇反應,唔知發生咩事咁,我點解要鬧佢,

養咗佢就快15年咁大先曳,Tong Tong妳有咩唔開心要咁做,媽媽好迷茫.

2010年5月7日星期五

Tong Tong 近況

星期日放狗時影,唔知點解影相隻眼仔唔覺白,

但近期Tong Tong係街對住一位太太攞住個大環保袋狂吠以為係隻狗,

吠咗好奈帶佢過去聞下先知唔係狗,

個位太太初時話Tong Tong惡,經解釋清楚之後佢話又唔覺得佢眼仔咁差,

有時我都唔知佢係睇到定睇唔到,如果我攞住d野俾佢睇到,會即刻衝過來以為有野食,

暫時身體都ok(touch wood)醫生話只要佢唔偷野食就冇問題.

多謝各位關心Tong Tong這位孤獨老狗.

2010年4月20日星期二

議員不實指控和無理迫遷

關注動物組織「香港群貓會」去年租用土瓜灣私人大廈一單位，專門收留傷病或被遺棄小貓，被指發出濃烈如「屍臭」異味，九龍城民主黨區議員潘志文日前貼出告示，公開「貓屋」地址，希望業主聯署要求政府部門予以取締，引發一場逼遷風波。有愛護動物人士在網上設立群組，反擊潘志文。

採訪期間，潘志文突然「踩上門」，與陳靈怡（右）當面對質，潘愈說愈激動，將陳逼埋牆邊，陳要求潘站遠一點，怎料潘說：「我係要企硬，點吖？」

群貓會總幹事陳靈怡說，租用土瓜灣單位時，已得知該大廈可飼養動物，業主亦知情，「現在他（潘志文）登了我們地址出來，如果貓有事，誰負責？」

上周五，記者到「貓屋」了解情況，在門外未聞到異味，入屋後亦發現環境衞生不太差。正當記者與群貓會總幹事陳靈怡訪問期間，潘志文突然「踩上門」，由於不清楚潘入屋有何意圖，陳靈怡拒絕其要求，但潘堅持在走廊等候。

記者上前訪問潘志文，問他為何公開「貓屋」地址，潘堅稱做法無問題，「你不是住在這裏，當然不受困擾。」記者追問他每月上來巡視多少次？潘只稱：「好多次，不可用數字來衡量。」

陳靈怡反駁指，一年來先後有漁護署、食環署、環保署及愛護動物協會的人上來巡視，均未發現有問題。爭拗期間，潘志文咄咄逼人，把陳逼埋牆角，態度囂張說：「我係要做爛仔呀！」陳的朋友於是報警。潘志文亦「拖馬」，找來幾位居民聲援，場面一度混亂。警員到場調解後，潘的態度仍未收斂，連警員亦忍不住提醒他：「潘議員，你是議員來的。」

潘志文堅稱自己刊登「貓屋」地址無問題，「亂拋垃圾和無交管理費，都公開住戶樓層門牌，我不覺得登他們地址有問題。」

我對民主黨越來越失望,議員有正經唔做,走去迫害動物,俾流浪動物一個生存空間都唔得,香港而家係俾社會.

2010年4月18日星期日

韓國國犬 - 金刀犬

日本土狗秋田犬/韓國土狗犬金刀都標榜為忠心為主國犬,什至好驕傲向全世界介紹, 但本地土狗唐狗不但得唔到大多數人認同什至受到歧視,好希望多d人欣賞唐狗品種, 佢哋不單只忠心為主,而且身體健壯服從性強,希望他日可以見到香港向全世界介紹 香港唐狗.

2010年4月5日星期一

                                       這隻漂亮的狗兒，有令人無法想像的慘痛過去。
          2個月前牠是隻「沒臉狗」，整張臉毀容、四肢也發炎潰爛，倒在路邊奄奄一息。
               經「台灣動物緊急救援小組」大隊長緊急送醫後，歷經2個多月醫治和照顧，
                                    牠現在已經是隻「美臉狗」，前後模樣有天壤之別，
                                             讓網友們驚呼「這真的是同一隻嗎？」
                                             (簡直是魔術！)為狗狗復元感到開心。

今年1月初，一隻「沒臉狗」倒在高雄市楠梓區旗楠路邊，

不但整張臉毀容、雙眼無法睜開；全身及四肢都嚴重發炎、潰爛紅腫，

甚至有人靠近也無法反應。

「台灣動物緊急救援小組」大隊長倪兆成接獲通報後前往救援，緊急將小狗送醫。

獸醫團隊清理顏面及眼皮後發現，牠雙眼角膜均發炎流膿，

瞳孔對光的反應很差；身體嚴重脫水；皮膚感染嚴重的毛囊蟲症、發炎潰爛，

嚴重程度超乎想像，隨時有生命危險。

                               可憐的狗兒經過獸醫團隊輸血集救後，經半個多月才脫險；
                   加上2個多月的藥浴及針劑治療，以及救援小組的「美女志工兵團」照料，
                 竟奇蹟復元。雖然仍有一隻左眼失明，但現在牠已經是隻健康的「美臉狗」，
                      有著漂亮的淡黃色皮毛、非常可愛的神情，似乎有拉不拉多混種血統。

相信這隻狗俾香港愛護動物協會接收一定人道毀滅,希望佢以後生活得愉快!

2010年3月26日星期五

到我Bingo出場啦!

Bingo : 想影我相好難啦!!!

Tong Tong媽 : Meko媽我影咗好奈至靚呢張相收住貨先

2010年3月22日星期一

傻豹出場啦!

我就傻豹自己幾多歲都唔知因為我傻傻哋,我最鍾意就係打tong tong

Tong Tong : 我呢幅相有冇似番d女仔啫??我都知唔似

2010年3月16日星期二

Hi大家好

Tong Tong : 我近排身體好番好多,除咗眼仔唔好其它都ok仲可以好大聲講嘢!

2010年3月15日星期一

【 LOVE LIFE 珍愛生命‧永不放棄】公益廣告

生命是唯一,失去咗就冇法再重

大家唔好因少事就自殺,有人努力求生,應該珍惜生命,什麼事情都會有解決方法.

如果你的生命只剩下一點點，你會用什麼態度去面對？

他們的癌已經擴散到全身上下了...但

是他們對生命的愛，卻是永無止境.在人生當中，

難免遇上失敗與挫折，但跟這些孩子所面對的狀況比起來，你是否應該 ...

love life是希望用癌症病童真實故事教識人面對逆景重視生命

2010年3月6日星期六

牠們做錯什麼!

牠們做錯什麼一次又一次咁對佢哋!

日期：	2010年3月6日
時間：	14:45 - 16:45
地點：	上水彩園村彩屏樓地下

斬貓狂徒再現彩園村, 繼兩年前藍藍受害後,
無辜小貓Faith於日前被斬去大半條左前臂, 現正留院治療中!

狂徒一而再, 再而三斬貓向我們挑釁, 想見到我們無奈、傷心痛哭!!!

我們不會再示弱! 不會再低頭!! 我們要走出來, 向公眾表示我們不畏惡勢力的心!
我們是勇敢的愛貓人!!

感謝陳克勤議員及劉國勳議員安排, 讓我們有機會和警方代表、彩園村管理公司化表、
房屋署高級房屋事務經理以及北區區議員蘇西智、劉國勳會面商談預防措施。

貓貓唔識得請願, 我們代貓貓請願!
請大家支持3月6日到彩園村請願及和平靜坐。

活動流程:
2:45-3:15 請願活動
3:15-4:15 和平靜坐

聯絡方法: 9192 5091 或 info@catsocietyhk.org

煩請廣傳!