大家好我叫傻Karl

我係Karl Karl ,我除咗大食同喜歡咬家具之外,

 

其實我係一隻好乖乖的狗狗,(我巳成功咬爛廚房門同梳化,

 

連後面電制我都想咬,可惜媽媽用鐵絲網封住

 

我點樣同媽媽相識呢...............當日媽媽去小島上睇狗狗,

 

我主動又熱情,令媽媽印象深刻,

 

當時佢都考慮咗幾日, 

 

因為佢怕再受唔起分開的痛苦,

 

最後義工ee話漁護處星期三會通宵捕捉d狗狗,

以我的傻勁好快就會被人捉咗,

 最終媽媽先決定養我.

 

 

 

我好鍾意嗲人最好24小時都抱住我...可能之前在義工的愛護下,

 

我對人類充滿好感

 

 

 

不過我精力充沛,我只可以扮乖五分鐘就原形畢露

 

 

 

我好叻架要大小便我一定通知媽媽落街街,

 

只不過我都有死穴,由於市區太多車車我好驚,

 

每次街大小便完後,都以時速九秒九衝返屋企,

 

真係冇鬼用,所以每次一戴狗帶,我就有以下呢個動作,

 

媽媽俾我激到唔知好嬲定好笑