雖然瘦但我有精神

      

 

 

                             

Tong Tong : 大家好!半年冇同大家見面,我近排巳經好好多,

 

雖然瘦但精神唔錯,

 

多謝咁多EE同姐姐長期關心我,我會努力生存.

 

 

 

好轉中....

Tong Tong :

多謝咁多個ee同姐姐支持

我開始好轉巳經唔嘔並且肥番

暫時可以叫又過一關

 

 

 

初二以為Tong Tong自己跳落地扭到腰骨一路睇醫生都冇起色,

 

直到上兩星期自己醫生終於返工,先知唔係骨有事,而係可能肝癌發,

 

個驗血報告所以指數去到爆錶有d仲驗唔到,

 

一路係度吊鹽水希望洗走多d病毒細菌睇下會唔會有一線生機,

 

但係佢相當唔合作,見喉拆喉見鹽水袋又咬破又狂叫,

 

醫生話咁多年都未見過佢咁樣,唔知係唔係我搵咗個傳心師同佢講,

 

如果太辛苦同佢打針俾佢走等佢冇咁辛苦好唔好,

 

佢就強烈回答”我唔要打針我要撐到最後一分鐘”,

 

自此佢就相當唔合作可能認為我唔要佢其實我唔想佢太痛,

 

昨天第3次驗血指數只有小數回落,但係個胰臟出問題,

 

現在巳經心肝肺腎胰都有事,今日開始要自己同佢打皮下鹽水,

 

打咗半個鐘佢叫到呱呱聲好心痛都唔知可以點做,現在佢嬲咗我唔彩我,

 

未打皮下鹽水之前我都覺得自己堅持到,

 

現在真係唔知自己可唔可以堅持到最後,星期五再驗血,希望會好轉.